ابو ذيات

روح ابعيد عني......ولي يله
وعلي من السمه منزل ...ولي الله
حبك سم واجرعنه ....والي الله
وتدير السم بديك شلون بيه


طعم شفتك حبيبي عسل ...وي جوز
ومنك ما يمل الكلب ...ويجوز
يمر طيفك علي كل يوم ....ويجوز
يظل وياي لحد المنيه


احط لكليبي اجناحات ويروح
الك يحمل رسايل عتب ويروح
صفن وسط الجسد روحين وي روح
ونعيش العمر ياَ مدلل سويه



حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه


نشدت الناس عنك وانت هينه
وعلى فراكك تلفنه وانتهينه
الكلب انت تعذبه وانت هينه
ويضل اسمك حلو وغالي عليه

تروح الروح بغيابك وأردهه
وكتاب جفاك يمدلل وردهه
روحي بغيابك تره يذبل ورده
مأي أنته وترد الروح بييه


سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه


حلاوة وطيب للياكل من تمرنه
نحب نسمع كلامك من تمرنه
تميل البصره كلها من تمرنه
والك شط العرب ياخذ تحيه

شكرا ياوسيم وانشاء الله للافضل

وسيم موضوع حلو

شكرا وسيم
وسيم وسيم وسيم